Azərbaycanda orta aylıq pensiya 596 manata çatıb

Azərbaycanda orta aylıq pensiya məbləği 596 manata çatıb ki, bu da ötən ilin müvafiq dövrü ilə müqayisədə 10% artım deməkdir. Bu barədə Əmək və Əhalinin Sosial Müdafiəsi Nazirliyində məlumat verilib.

İlin əvvəlindən pensiyalar indeksləşdirilərək 9,3% artırılıb. Bununla yanaşı, yaşa görə orta pensiya məbləği 634 manat təşkil edib.

Yanvar-avqust aylarında pensiya ödənişlərinə 5 mlrd 222 mln manat yönəldilib. Bu, ötən ilin eyni dövrünün göstəricisindən 10%, yaxud 488 mln manat çoxdur.

Səkkiz ay ərzində 26 min pensiya elektron sistemdə proaktiv qaydada təyin edilib. 2019-cu ildə pensiyaların elektron qaydada təyin edilməsinə başlanıldıqdan indiyədək bu üsulla 205 min pensiya rəsmiləşdirilib.

Mənbə: modern.az

Materialı hazırladı:Əbdulrəhman Sadıxlı