Ankarada əyləncə məkanlarına reydlər keçirilib: 68 nəfər saxlanılıb

Ankaranın Polatlı rayonunda spirtli içki verilən ictimai əyləncə məkanlarında keçirilən yoxlamalar zamanı 68 şübhəli saxlanılıb. Bu barədə Polatlı prokurorluğu məlumat yayıb.

İş Gülveren məhəlləsindəki məkanlarla bağlı şikayətlərdən sonra başlanıb. Şikayətlərdə müştərilərə şişirdilmiş qiymətlərin tətbiqi, təhdidlər və hesaba etiraz edənlərin borc qəbzləri imzalamağa məcbur edilməsi, həmçinin narkotik ticarəti və məkanlarda çalışan qadınların fahişəliyə məcbur edilməsi qeyd olunub.

İstintaq çərçivəsində Ankara Polis İdarəsinin İctimai Qayda Şöbəsinin Quldurluqla Mübarizə İdarəsinin əməkdaşları 19 ünvanda eyni vaxtda yoxlamalar aparıblar.

Əməliyyatların nəticəsində 68 şübhəli saxlanılıb, 94 qadın barəsində inzibati prosedurlar tətbiq edilib.

Qeyd olunur ki, polisdə prosessual hərəkətlər başa çatdıqdan sonra saxlanılanlar məhkəməyə təhvil veriləcək.

Mənbə: cnnturk.com

Materialı hazırladı:Yulduz Səlimov