Ermənistanın keçmiş maliyyə naziri Qaqik Xaçatryan iki aylıq həbs edilib
Qaqik Xaçatryan rüşvətxorluq, çirkli pulların yuyulması və qanunsuz əmlak əldə etməkdə ittiham olunur. Keçmiş məmurun vəkilləri saxlanılma zamanı pozuntuların olduğunu və müvəkkillərinin səhhətində problemlərin yarandığını bildiriblər.
Yulduz Səlimov1 dəq oxunuş
Ermənistanın keçmiş maliyyə naziri və Dövlət Gəlirləri Komitəsinin sabiq sədri Qaqik Xaçatryan İrəvan məhkəməsinin qərarı ilə həbs edilib. İstintaq Komitəsinin əməkdaşları tərəfindən saxlanıldıqdan bir neçə saat sonra, 2 sentyabr 2026-cı il gecəsi məhkəmə onun barəsində iki aylıq həbs-qətimkan tədbiri seçib.
Xaçatryana rüşvətxorluq, çirkli pulların yuyulması və qanunsuz əmlak əldə etmə ittihamları irəli sürülüb. Xüsusilə külli miqdarda rüşvət alma və vəsaitlərin leqallaşdırılması ilə bağlı cinayət işi çərçivəsində hüquq-mühafizə orqanları bir sıra axtarışlar aparıb. İstintaq hərəkətləri Xaçatryanın özünün və oğlunun yaşayış yerlərini, həmçinin onlarla əlaqəli 20-dən çox şirkətin ofis və filiallarını əhatə edib.
Keçmiş məmurun vəkilləri bəyanat yayaraq, hüquq-mühafizə orqanlarının əməkdaşlarını müvəkkillərinə qarşı qəddar rəftarda ittiham ediblər. Müdafiə tərəfi həmçinin Xaçatryanın səhhətinin vəziyyətinə diqqət çəkərək, onun yataqdan qaldırılaraq xərəkdə məhkəmə binasına gətirilməsini əks etdirən kadrları yayımlayıb.
Mənbə: am.sputniknews.ru
