Hörmüz boğazında ticarət gəmisinə zərbə endirilib, yanğın başlayıb
Hörmüz boğazında ticarət gəmisi mərmi ilə vurulub və bundan sonra gəmidə yanğın başlayıb. Zərbənin şəraiti və gəmi barədə məlumat açıqlanmır.
Əbdulrəhman Sadıxlı1 dəq oxunuş
Hörmüz boğazında ticarət gəmisi vurulub. Bu barədə «Fars» agentliyi dəniz təhlükəsizliyi şirkəti Ambrey-ə istinadən məlumat yayıb.
Bu məlumatlara görə, ticarət gəmisi Oman ərazisində, Xəsəb şəhərinin şimalında boğazın cənub marşrutu ilə hərəkət edərkən mərmi ilə vurulub.
Zərbədən sonra gəmidə yanğın başlayıb. Bildirilir ki, yanğının söndürülməsi üzrə işlər davam edir.
Gəminin adı, ekipaj üzvlərinin vəziyyəti və zərbənin kim tərəfindən endirildiyi barədə məlumat verilmir.
Qeyd olunur ki, son günlər Hörmüz boğazında ticarət gəmiləri ilə bağlı bir sıra insidentlər qeydə alınıb. Böyük Britaniyanın Dəniz Ticarət Əməliyyatları İdarəsi (UKMTO) 23 sentyabrda bildirib ki, boğazda ticarət gəmisi naməlum mərmi ilə vurulub, gəmidə yanğın baş verib və ekipaj təxliyə edilib.
Mənbə: apa.az
